الشاعر شريف محمد الفريدي

اسمعوا ياهل الوفاء موجز اعلاني
بعـد رحلـة متعبـاتٍ ركايبـهـا
كلمةٍ من واحـدٍ مسنـي وسانـي
عـارفٍ وشـو مداهـا وحاسبهـا
اجتهدت بنشرهـا قـدر الإمكانـي
وارجي اني كل الأهـداف صايبهـا
ياكريـم الـمـد وآل الإحسـانـي
ان تجيـب لطلبتـي مـا تخيبهـا
ياوسيع الملـك ياعالـي الشانـي
لا تنـزل مـن هواهـم مهببـهـا
بيض الله وجه من قيـل بدرانـي
من مبادي شرقهـا ليـن مغربهـا
ما أقدر أمدح واحدٍ وأترك الثانـي
ليتنـي كـل الأسامـي مغيبـهـا
وصفهم بالمجد ماهـو بالألوانـي
كل عادات الوفاء عنهـم أنسبهـا
مثل غيثٍ فاض من غر الأمزانـي
لو جرح عـال الروابـي يطيبهـا
مكرمين الضيف والجـار والعانـي
عملةٍ مثل الذهـب مـن تجاربهـا
روضةٍ في وسطها خضر الأغصاني
ما طلع مـن طلعهـا مـا يعيبهـا
وقلعةٍ من معجـزة فكـرة البانـي
ما يعرف الخوف منهـو بجانبهـا
وماكـرٍ بملولـحٍ يتعـب الجانـي
ماتـت أم مقيـط حـره مشيبهـا
فعلهم للمجـد مـن كثـر يخفانـي
عارفٍ مـا كـل الأخبـار جايبهـا
والله إني لنطـق الحـق بلسانـي
والأصايل توصـل اللـي معربهـا
قبلهـم للسـب والمـدح مادانـي
سيرة العالـم ضميـري مجنبهـا
لكـن الموقـف جبرنـي وخلانـي
أفتخر في ناسٍ تنصـى مضاربهـا
ولو أعد من الوفاء كـل ماجانـي
كان صار الثامنـة مـن عجايبهـا
والسموحة كان عندي غلط مانـي
قاصده واللـي رواسيـه ناصبهـا
الوفاء مذكور من نـوع الإيمانـي
فرجةٍ من يجهـل الطيـب هايبهـا
وكل شخصٍ عارفٍ ماكسب فانـي
ولا تعدى الروح تربـة نصايبهـا
والتجي في ظل من كـان يارانـي
طاعته بلغ بها الرسـل واوجبهـا
حاكـمٍ صلـى علـى خيرعدنانـي
خالـق الدنيـا ملكهـا مراقبـهـا
ومن حكالي ضدهم صـار ديانـي
عشرته لو هو صديقـي يخربهـا
وأختم المكتوب باسمي وعنوانـي
مع نسيمٍ عابرٍ مـن غيـوم أبهـا

بيض الله وجه من قيـل بدرانـي
من مبادي شرقهـا ليـن مغربهـا
ما أقدر أمدح واحدٍ وأترك الثانـي
ليتنـي كـل الأسامـي مغيبـهـا



الرايق انت الراوي لقصائد شريف ابن راكب الفريدي هذا العلم الشعري ليس للفرده فقط بل وليس لحرب لا انه للجزيره العربيه , بيتين بصراحه قمه في الروعه .

الرايق (( الراوي )) تحياتي لذاتك
الـــــــــــصــــــــــــارم

صح لسن شاعرها....
يعطيكــ العافيه على النقل الراااائع,,,

صح السان شاعرها مشكوووووور والله يعطيك الف عافيه

الشكركم على المرور الرائع

قمة في الاقتناء يالرااااايق بكل صراحه قصيدة جزله ,,, يعطيك العافيه على النقل المميز